28.3.15

Frayáu


Na metá d'Ochobre torné al mió llar. Dexé Patagonia somorguiáu na melancolia, cola rodía mancada por mor d'un accidente d'esquí de montaña. 

La coxera fíxome adictu a médicos y ximnasios. Pasu ente pasu, con rixu y esfuerciu, foi meyorando y nel entamu de Xineru ya taba de nueu esguilando y esnidiando pente montañes qu'ainda me faen alloriar y que son el mio aliendu.

De xemes en cuando fuxía al mio abellugu na Pedriza a la gueta de la lluz nidia y el noble granitu. El mio xeitu asela ente atapeceres qu'españen, esguilaes de fe y nueches delantre'l fuéu.









La ñeve aportó a Asturies con bayura esti poderosu iviernu, tapeciendo de blancu les cumes y valles per dayures.
































































Señaldosu pol recuerdu d'eses rodies antañu fuertes y güei frayaes por años d'actividá y mancadures, sigo enfotáu en facer les coses que me presten, quiciabes non cola brenga xabaz de la xuventú, sinon calteniendo una actitú de sele enerxía que namás t'apurre'l trescurrir d'un tiempu que s'esmuce ente les manes.