Trabayé toles fiestes. Asina abúltame que'l tiempu entaina.
Les Navidaes son unes fiestes que nun me presten un res. Meyor tar ocupáu estos díes que me trayen les alcordances y la señaldá de la mió xente que ya nun ta equí.
Abellugueme nel trabayu y nes montañes. Nelles alcuéntrome sele.
Esti Iviernu les ñeves nun acaben d'aportar con rixu a la Cordelera Cantábrica. Atopar un llugar averáu al llar onde esnidiar coles tables d'esquí ye un llabor llaceriosu.
Pero Pablo y yo atopamos esa ayalga.
Nos primeros díes de Xineru, na soledá de la Estación de Esquí de San Isidro ainda zarrada, xubimos y baxamos la cume de Peña Nevares hasta que les piernes dixeron "basta".
Foi un bon entamu d'añu.
2 comentarios:
Collaciu. Ye una pena que nun caiga ná de nieve. A ver si pa estos dis ponse la cosa meyor.
De toes maneres ya me lleves una de ventaxa. Yo tovia nun me estrené.
Vémosnos!!! Un abrazu.
Vítor.
Como siempre, disfrutando eres único.
Besos
Publicar un comentario