L'espectáculu de l'Atapecer.

Nes caberes hores de lluz d'un máxicu día d'esta Seronda, pasu ente pasu baxamos camín de "Canto Cochino" pel "Barranco de los Huertos" colos güeyos fixos nun sol que ya muerre güei. Ye l'intre nel que'l cielu amburia ente nos.

Un momentu siempre únicu na Pedriza. Un espectáculu ablucante.

Baxamos colos deos frayaos d'apreta-y al duru granitu y coles dees y piernes azacanaes pola tensión de non cayer y esnidiar pela paré......dímos-y con rixu y dexonos l'alma sele.

Otra vegada más nesta perguapa Seronda púnxeme unos díes a iguar el mió llar pa dexalu amañosu. La ñeve entá nun s'alluga nes montañes y dementres aporta, la esguilada pedricera abúltame que ye la opción más prestosa y afayaiza.

Esguiláramos nel "Cancho de los Brezos", una de les maxestuoses ilesies onde practicar la auténtica "Fe Pedricera".

Esguilar hasta que'l sol s'escuende y la nueche mos algama nesti fantásticu enguedeyu rocosu de lloques formes.

Esguilar na Pedra siempre ye especial.