Dacuandu nun hai otru xeitu que trabayar dafechu y nesti mes de Xunetu tocome a min. Dementres dellos collacios taben folgando y colaben de viaxe a llugares perprestosos, yo paseme tou el mes en Xixón xuncíu al computador fartu de güeyar RBS (Radio Base Station).
Y ye que toi garrándo-yos un noxu a los teléfonos móviles de la Virxe....
Gracies a Dios que nel branu los dies son llargos y hai hores abondes pa trabayar y tamién pa disfrutar de los máxicos y xabaces paisaxes astures xunto a los collacios que, comu a ún, toco-yos tar nel tayu esti mes.
Asina foron pasando los dies galmiando pel monte, faciendo baxaes ablucantes cola bici de montaña (...anque enantes hai que lluchar xubiendo les siempre pindies cuestes) y esguilando peles escueles averaes a mió Ca: Otura, Quirós, Petsuno, Teberga, Manzanea...
y tamién nes del lláu sur de la Cordelera: Valverdín-Pedrosa, Vegacervera...
Y sin dexar d'esnalar cola imaxinación...
...suañando col próximu viaxe.
No hay comentarios:
Publicar un comentario