Nel aire golíase qu'esti branu taba morriendo...
Les ablanes y les castañes tremaben el suelu, les mores taben ya madures, les fueyes de les fayes selemente camudaben el so color verde ... dementres..., cola cabeza gacha y l'alendar trabayosu, pasu ente pasu, xubíemos escontra les peñes colos preseos d'esguilar al llombu y l'enfotu de facer esa vía que mos fai suañar nel amurniáu trabayu, algamando con rixu la cadena ensín cayer y escolingar de la cuerda.
Nestos dies nos que la Seronda aporta, la lluz tórnase máxica y l'atapecer alcuéntranos baxando de les paredes colos deos frayaos, l'alma sele y la sorrisa na cara camín del chigre onde escanciar la botella sidre xunto a los collacios colos que, otra vegada más , sentimos el pergrande calor de la amistá.
Y asina, la gayola allúgase nel nuestru corazón.
3 comentarios:
Me encantan las fotos, y tienes toda la razon, la luz es mágica, yo me apunto a la sidra.
Besos
...pues ya sabes que estás invitada a tomar unas botellas de sidra que espero llevar yo personalmente a Madrid, si como espero me voy unos meses a trabajar allí. Muchos besos y mil gracias por tu comentario.
Ok, te lo recordaré y si se te olvida voy para Asturies, pero solo a hacer fotos, que lo de subir por esas paredes me da miedo.
Un besazo.
Publicar un comentario