17.11.08

La estación particular.

Sábadu 8 de Payares.

Ainda tan pesllaes les estaciones d'esquí magar que nes cumes de la Cordelera Cantábrica el blancu de la ñeve ye la color dominante nel montañosu paisaxe astur.

Les máquines pisaran les pistes dexándoles iguaes pa la próxima inauguración de la temporada d'esquí... de pista... porque los esquiadores de montaña ya fiximos la nuestra particular inauguración de les estaciones.

Nel Puertu Braña, Conceyu d'Ayer, na nomada "Estación Invernal Fuentes de Invierno" nun s'oyíen glayíos d'esquiadores, nin música al altu la lleva, nin se víen movese les telesilles,.... namás grupinos d'esquiadores que con rixu xubíen foqueando pasu ente pasu poles vacies pistes pa darréu amiyar esnidiando coles fráxiles tables de travesía per unes ablucantes y perfeches "pistes particulares".


3 comentarios:

M.Eugenia dijo...

Necesitaba desconectar... que mejor manera de subir una montaña y sentir el frío a través de tus fotos.
Un besazo

La sacabera errante dijo...

¡Esi duba! Nos tuvimos esti domingu pa La Cueta y subimos a Peña Orniz y la verda ye que disfrutamos enforma. Lo malo ye que al final tuvimos que remar un cachu. Baxavemos cantando la de "Chalaneru" en version palilleru.
Un besu neñu.

Duba dijo...

M.Eugenia gracias por desconectar conmigo,es un honor. Un beso fuerte.

Dani que quies que te diga:¡yes un fenómenu! A ver cuando facemos una baxadina xuntos.